बजारमा आयो सेन्सर जडान गरिएको अनौठो मास्क

कोरोना भाइरसको संक्रमणका कारण विश्भर यसको त्रास फैलिएको छ । जसका कारण यसको संक्रमणबाट बच्न मानिसहरु अनेकौं उपायहरु गरिरहेका छन् । हरेक दिन नयाँ नयाँ अनुसन्धान हुने गर्दछ । तर अहिलेसम्म यसबाट बच्न कुनै पनि भरपर्दो विकल्प बनेको छैन । त्यसैले मानिसहरु सामाजिक दुरीमा रहने र मुखमा मास्क लगाउने उपाय अपनाएर कोरोनाको संक्रमण हुनबाट बचिरहेका छन् ।
तर मास्कको प्रयोगले भाइरसको संक्रमणबाट त बच्न सकिन्छ तर यसका कारण केहि कठिनाईको सामना भने गर्नुपर्ने हुन्छ । जस्तोः खाना खादा वा केहि पिउँदा मुखको मास्क पुरा खोल्नु पर्ने हुन्छ । र त्यसबेला कोरोनाको संक्रमण हुने खतरा हुने गर्दछ । तर अब यस समस्याको समाधान समेत भइसकेको छ । खासमा इजरायलमा कोरोनाको महामारीबाट बच्न प्रयोग गरिने मास्क एक खास तरीकाले डिजाइन गरिएको छ जसले खाना खादाँ मास्कलाई मुखबाट हटाउनु पर्ने झण्झट हुदैन । यो मास्क लगाउँदा मुखको सामुन्नेमा एक प्वाल हुन्छ । जहाँ सेन्सर जडान गरिएको हुन्छ । त्यो प्वाल चम्चा आउनासाथ आफै खुल्दछ । र खाना खान सजिलै चम्चा मुखमा लान सकिन्छ । यसमा भएको सेन्सरका कारण मास्क खोल्न हातको प्रयोग गर्नुपर्दैन यो अटोमेटिक खुल्ने गर्दछ ।
इजरायलमा बनेको यो मास्कको तस्वीर अहिले सामाजिक सञ्जालमा निकै भाइरल छ । यस मास्कको डिजाइनलाई स्रहाना गर्दै धेरैले रुचाएका पनि छन् र यसको माग बढेको छ ।

सम्बन्धित खबर

Leave a Comment