काठमाडौँ । भोटेकोशी नदीमा आएको विनाशकारी बाढीबाट सिर्जित प्रतिकूल परिस्थितिलाई दृष्टिगत गर्दै त्रिभुवन विश्वविद्यालय (त्रिवि) व्यवस्थापन संकायअन्तर्गतका स्नातकोत्तर तहका परीक्षा स्थगित गरिएको छ।
त्रिवि व्यवस्थापन संकायको डीन कार्यालयले भदौ ११ गते सञ्चालन गर्ने पूर्वनिर्धारित तेस्रो सत्रको नियमित परीक्षा–२०२६ स्थगित गर्ने निर्णय गरेको हो। प्राकृतिक विपद्का कारण विद्यार्थी तथा परीक्षा सञ्चालनमा संलग्न जनशक्तिको आवागमनमा उत्पन्न असहजतालाई मध्यनजर गर्दै परीक्षा स्थगित गरिएको विश्वविद्यालयले जनाएको छ।
स्थगित परीक्षाअन्तर्गत एमबीएस, एमपीए, एमबीए–एफ, एमबीए–सीएल, एमबीए–एम, एमबीएम, एमएचएम, एमटीटीएम र म्याट्स कार्यक्रम रहेका छन्।
स्थगित परीक्षाको संशोधित परीक्षा तालिका उपयुक्त समयमा छुट्टै सूचना प्रकाशित गरी सार्वजनिक गरिने त्रिविले जनाएको छ। विद्यार्थीलाई थप जानकारीका लागि विश्वविद्यालयको आधिकारिक सूचनामार्फत अद्यावधिक रहन आग्रह गरिएको छ।
